१.सञ्चालन हुने शैक्षिक कार्यक्रमहरूको विवरण:

२. आवेदन फारामसँग पेस गर्नुपर्ने कागजात:

• क. SEE उत्तीर्ण भएको ब्यहोरा जनाउने प्रमाण (ग्रेडसिट/अनलाइनबाट निकालिएको नतिजा वा विद्यालयको पत्र)
• ख. हालसालै खिचिएको पासपोर्ट आकारको फोटो १ वटा
• ग. नागरिकताको प्रमाण पत्र वा जन्मदर्ताको प्रमाण पत्रको स्क्यान प्रति
• घ. नागरिकता वा जन्मदर्ताको प्रमाण पत्रमा घोराहीको स्थायी ठेगाना नभएमा बसाइसराइ दर्ताको प्रमाण पत्रको स्क्यान प्रति

३. आरक्षित समूहमा आवेदन लागि पेस गर्नुपर्ने कागजात:

• क. शहिद/जनआन्दोलनका घाइते/वेपत्ता पारिएका नागरिकका परिवार/द्वन्द्वपीडित नागरिकको परिवारका व्यक्तिले सम्बन्धित जिल्ला प्रशासन कार्यालयबाट जारी गरिएको प्रमाण पत्रको स्क्यान प्रति
• ख. आदिवासी/जनजाति, मधेसी, खस आर्य, दलित, थारू, मुस्लिम, अपाङ्ग र असहाय/अभिभावक नभएका व्यक्तिले सम्बन्धित वडा कार्यालयबाट जारी गरिएको सिफारिसको स्क्यान प्रति
• ग. सामुदायिक विद्यालयबाट माध्यमिक शिक्षा परीक्षा (SEE) उत्तीर्ण गरेको व्यक्तिले सम्बन्धित विद्यालयबाट जारी गरिएको सिफारिसको स्क्यान प्रति

४. छात्रवृत्तिका लागि छनोटसम्बन्धी व्यवस्था :

• १. छात्रवृत्तिको लागि आरक्षण गरिएको ४५ प्रतिशत कोटामा सामुदायिक विद्यालयबाट माध्यमिक शिक्षा परीक्षा (SEE) उत्तीर्ण गरेका घोराही उप-महानगरपालिकामा स्थायी बसोबास भएका विद्यार्थीहरुले आवेदन दिन पाउनेछन् । घोराही उप-महानगरपालिकामा स्थायी बसोबास भएका विद्यार्थीहरुका लागि छुट्याइएको कोटा पूरा हुन नसकेमा नपुग संख्या घोराहीमा स्थायी बसोबास नभएका विद्यार्थीहरूका लागि सम्बन्धित आरक्षित समूहमा थप गरिनेछ। यसरी थप गर्दा पनि कोटा पूरा नभएमा नपुग संख्या धेरै आवेदकहरू भएको समूहहरूमा थप हुनेछ । यसरी थप गर्दा पनि कोटा पूरा नभएमा नपुग संख्या खुलातर्फ थप गरिनेछ ।
• २. छात्रवृत्तिका लागि विद्यार्थी छनौट गर्दा माध्यमिक शिक्षा परीक्षा (SEE) मा विद्यार्थीले प्राप्त गरेको जि.पि.ए. को आधारमा योग्यताक्रम तयार गरी विद्यार्थीको योग्यताक्रमको आधारमा निजले रोजेको विद्यालयमा छात्रवृत्तिका लागि सिफारिस गरिनेछ । माध्यमिक शिक्षा परीक्षा (SEE) को जि.पि.ए. बराबर भएमा सामुदायिक विद्यालयबाट माध्यमिक शिक्षा परीक्षा (SEE) परीक्षा उत्तीर्ण गरेकोलाई पहिलो प्राथमिकता दिइनेछ । यसरी पनि योग्यताक्रम छुट्याउन नसकिएमा सो परीक्षामा क्रमशः गणित, विज्ञान र अंग्रेजी विषयमा सैद्धान्तिकतर्फ प्राप्त गरेको माथिल्लो ग्रेडलाई आधार मानी योग्यताक्रम तयार गरिनेछ ।
• ३. छात्रवृत्तिका लागि आवेदन दिदा अध्ययन गर्न चाहेको विषय पढाइ हुने ५ वटा सम्म शिक्षण संस्था छनौट गर्न सकिनेछ । छात्रवृत्तिका लागि सिफारिस गर्दा योग्यताक्रमको आधारमा आवेदन फारम भर्दा रोजेको शिक्षण संस्थाहरूमा क्रमश: सिफारिस गरिनेछ ।

बोधार्थ

• श्री शिक्षा विकास तथा समन्वय इकाइ, दाङ ।
• श्री कक्षा ११ सञ्चालित संस्थागत विद्यालयहरू घोराही उप-महानगरपालिका, दाङः विद्यालयको सम्पर्कमा आएका विद्यार्थीहरूलाई छात्रबृत्तिको अनलाइन फारम भर्ने व्यवस्था मिलाउनुहुन।